1
Новый свет в церкви восточной сияет,
Новое слонце егда востецает
На патрыаршы престол Руси всея
Тшчанием многим цара Алексея.
Тысь наше слонце, пастыру избранны,
Стада словесна вожд од Бога даны,
Тобою церков светло просияет
Як землю в неба слонце просвешчает,
Пасколов мрачна злых заблужденя
Згибнут твоего светом ученья,
А православна возраст прымет вера
Промыслом твоим во вся конца мира.
Во всю изыдет землю вещане
Устны, ти Хрыста проповедане.
Егоже молим яко сушча Бога,
Да тя соблюдет на лета премнога,
Честна и славна, в здравии телесном,
Деюща промысл о стаде словесном,
Ы сполнение душевно дарует,
Ы в небе венец славы уготует.
2
Светильник миру Богом запаленны
Днесь на свешчнице красном поставленны,
Да бы тму мира возмогл просветити
И путь небесный темный прояснити.
Фарос в Египте над Нила водами
Путь сказоваше огня си лучами
[141],
А ты в Россыи, о архиерею,
Путь проявишы огня си лучею.
Иже ест разум ы мудрость премнога
Духом ти святым поданны от Бога.
Дабы словесным овчатом ходити
З пути небесном, а не заблудити
Во твоим свете никто же преткнется,
Но в свете ходяй, во свет облечется.
И в свет слонечный егда воцарится,
В будущей вере венцем украсится.
Свети ж, наш свете, зде на многа лета
Светлыми лучы учения света.
Упаси стадо, врученное тебе,
Да с ним будешы купно в светлом небе.
3
Егда в пустыни Израиль хождаше,
Столп огнезрачный вождем имеяше
[142],
Ему же шедшу вси последоваша,
Внегда он ста, вси люди сташа.
Сице пустыню прыдеша безводну,
Путь обретоша сквози непроходну
И постигоша землю обешчанну,
Многими веки праотцев желанну.
Нас во пустыни жытейской грядушчый
Ты столп огненный, Богом прысносущный,
За вожда даны, да церков на тебе,
Яко на столпе, страны крепость прымет себе.
Столп же огненный, да всих просветишы,
Добротны умо, людзи научышы,
Да в свете твоем путь обряшчут правый,
Ведушч на небо, оставше лукавый.
Ты ны введешы в землю обешчанну,
Во Сыон горний
[143], во жывушчых страну.
Точыю дай Бог тебе многа лета,
Да прымет свет мир от твоего света.
Ы в нем шествуя дойдет вечна града,
В нем же покой ест вечный отрада.
4
Моисею древле жезл
[144] от Бога даны,
Род из Египта извести избранный.
Египт казнити за многия злобы
В море езыки воврешчы як в гробы.
Ты, пресвятийшый наш архиерею,
Жезл изъял от Бога над Руси землею.
Да Израиля нова изведешы
З мерска Египта ы в Сыон введешы.
Сим крестом Чермно море разделишы,
Стезя проходны овцам сотворышы.
А враг фараон в Чермном ада море
Тобою будет погружен воскоре.
Сем жезлом волка хищна поразышы,
Львом рыка пашчы зубы сокрушышы
[145];
Нас же сим жезлом добре упасешы,
Егда от врагов душевных спасешы.
Тем паси овцы, пастыру, Хрыстовы,
Мы твого гласа слушати готовы.
А нине тебе, жезла, прыветствуем,
На многа лета паствы усердствуем.
5
Весело церков росыйска ликует,
Егда тя, бодра пастыра, целует,
Иже воспрыем жезл от Бога даны,
Вся желаешы спасти Руссии страны.
Сим воведены овцы в места злачна,
Сим победишы демона премрачна.
Со жезлом Давид изыде на брани
[146]Со Голиафом ы смертно порани.
Ты, жезл имея, пастыру, святишы
Тмы, Голиафа на смерть поразишы.
Каменем веры глава й сотрешы,
Мечем духовным, як Давид утнешы.
Яко Россия победы спевати
Будет ы песни радостно слагати
Храбрству твоему, восхваляя Бога,
Иже да даст ти многа лета, многа.
И твою крепость величати будет,
Пастыра блага никогда забудет.
Будет ы в небо ныне возлетати,
Да тя в тех господ изволи венчати:
По вечне венцы в небесной славе
Вечности венец да даст твоей главе.
Но впред вси молим всешчедрого Бога,
Да ти в сем мире подаст лета многа.
6
Многие дела в руском вертогради,
Его же Христос Владымером сади,
Великими же князьми роспострани,
Столп созда царми на Московской страни.
Но делателей нужда бе не мала.
Тем патриарха церков ест избрала,
Да исправляет дело ы делатель,
Яко во место Христа обладатель.
Тебе, святыйшый наш архиерею,
Та власть вручыся над Руси землею,
Да плод Хрыстови з сего вертограда
Мног прынесешы до Сыона града:
Гроздие сладко — людие Хрыстови,
Иже служыти ему суть готови.
Сего на кресте пития гождаше,
Христос повнегда жажду возглашаше.
Тем Христа жажда тогда напоишы,
Когда езыки к нему прывратишы.
Превратит вскоре, а от вертограда
Прынеси плоды до небесна града.
В нем же по многим сам летах вселися,
Нам жде милосерд отец проявися.
7
Корабль, по мору со учениками
Без Христа пловый, биен бе волнами.
Даже ы святы в отчаянье прыде,
Дондеже Христос внутр корабля вниде.
Ему же, вшедшу, ветры умолкоша,
Смирно кораблем по водах идоша
[147].
Равне церковый корабль зело велий,
Пловый по мире странем ест веселий.
Егда и кормчый сира оставляет,
Тогда во мирских волнах сильных встает,
Вонеже церкви руской попустити
Не изволи Бог, дабы смирно жыти
Даже кормчыя кораблю святому
Тебе, пастыра, роду россыйскому,
Да твоим умом будут окармлены
К небесной стране сей корабль спасенный.
Тем же небесна цара умоляем,
Да им будешы в трудех наставляем.
И даст ти, здраву, добре управляти,
У прыстанища небесна прыстати.
8
Иаков древле Лавана слушаше,
Пас его овцы сице работаше
[148].
Яков день зноем жито ест палены,
А в нощы хладом досадно знобленны,
К тому не даде виждома своима
Сна, ни покоя нуждныма плечыма.
Что ж подобает пастыру страдати,
Стадо Хрыстово ставшу управляти.
Ей, яко вяшчшы суть от овец люди,
Вяшчыи сице в стаде Христа труди.
Легчае Атлант
[149] неба воспирает,
Неже кто бремя пастырско движает.
Но твоим мышцам, пастыру желанный,
Крепкий жезл в помошч свыше ест поданный:
Исус Христос жезл, помогаяй тебе.
Хощет бо овца вся прывлещы к себе.
Он в нужде всякой имат вспомогати,
Во трудех трудность всяку облегчати.
Точыю, дай Бог, здраву тебе жыти,
В мире век долгий на престоле быти.
9
На остров Пафмос Иоан заточены
В восторзе бывый, богатство реченны.
Виде чловека, в его же десницы
Звезды сияша подобны денницы
[150].
Архиереов оны знаменаша,
Иже подобие сим звездам сияша.
З тоя десницы мы тобе имамы,
Святейшый отче, пастыра над нами.
Светла звезд паче добротами всими
Сияй же много над овцы твоими.
Ангелми церкви, тыхжде нарыцает
Пастыр Иоан, егда разсуждает.
Чыстоту, благость ангелем мы тебе
В чистоте радим на церковном небе.
Ангел при дверех рая поставлены,
Зане ы тебе рая ключ вручены.
Тем прыпадаем к твоима ногама,
Отверзи небо своима рукама.
А нам, овцам ти, внити бы до рая
Ы получыти вечная благая,
Яже известно сам ты прыимешы,
Ашче нам двери его отворешы.
10
Херовим в дверех райских поставлены,
Меч во руце своей имеяй огненны.
Да хранит плоды его изобильны,
Страж престрашный, кармный, пресильный.
Церков ест раем богонасажденным,
В нем древо жызни имат род наш земный.
А ты, святыйшый наш архиерею,
Страж ы хранитель поставлен над нею.
Меч обоюду остры содержышы,
Им же от церкве враги прогонишы.
Божые слово, з уст ти исходяще,
Поразил як меч ы як камень з прашчы,
Взял сопротивны ы льва рыкающа,
Окрест ти стада пажыти ишчушча.
Будиш пресилен во слове ы деле,
Церкви росския святийшый ангеле.
Исправляй, храни руски рай словесный,
Да получышы после рай небесный.
В мале зде верен вспрымешы от Бога
В державу царства на небе премнога.
Их же вседушно мы тебе желаем,
Должную любов тако изъявляем.
11
Сира вдовица отнине ликует,
Церков россыйска светло торжествует,
Яко жениха до свого чертога
На престол тебе прыемлет от Бога.
Святийшый отче, в руской церкви главо,
Всим правоверным истынная славо.
Тебе ест наша мати обрученна,
Да от слез вдових будет свобожденна.
С нею мы, чада, прегорко рыдахом,
Яко без отца в сиротстве остахом.
А днесь видяшче, яко ты входишы
На престол церкви ы о нас радишы.
Веселогласно сице восклицаем:
Здравствуй на лета премнога, желаем.
Здравствуй, пастыру, ы умоли Бога,
Да даст цареви лета жыти многа.
В его бы мире церков разшырати,
Истинны слово право исправляти.
Им же довольно овцы упасешы,
Егда ко Богу — слову прыведешы,
К еде небесной, в ней же ест готова
Вечна трапеза нам от Бога — Слова.
На ту божыя ты ведешы люди,
З ними же и сам общник ея буди.
12
Руския церкве престол ест блаженный,
Яко ты на ней, пастыр, посажденны,
Отче преблагий, ибо тверд у себе.
Звезды ест праздна, светлейший, от тебе.
Не тако вся твердь сияет звездами,
Як ты, наш пастыр, душы лепотами.
Милость истинна в тебе ствердзастася
Ы правда з миром облобызастася.
Вера, Надежда, Любы в огне здися,
Шчедрые ту мудрость, простость вкренися
Во твоем сердцы, а душа вперися
Во Сыон горний, ему прыцепися.
В небе душею, зде телом жывешы,
Тем же свете се помошч воспримешы
Церков престола во управление
Ы стад Хрыстовых на упасение.
Зде престол телу, а душы на небе,
Благости ради, Бог созда для тебе.
Тем на церковнем буди лета многа,
По нем небесный восприми от бога.
А нине изволь нас благославити,
Во любви отчей чада си хранити,
Иже смиренно главы преклоняем,
Пасти ны в лета премнога желаем.
