Видим паки зде, яко любят люди одеваться в одежды красныя и светлыя: тамо избраннии Божии одеются в виссон чистый[314], в ризу спасения и одежду веселия [315]. Тогда преобразится тело смирения святых, яко быти сему сообразну телу славы Христовы[316]. Тогда праведницы просветятся яко солнце в Царствии Отца их[317].
Паки видим зде, что всяк желает во дворе царском жити и слыти придворным его слугою: тамо избраннии Божии и святии будут жити в дому Божии, во дворе Небесного Царя. Блажени живущии в дому Твоем (Господи), в веки веков восхвалят Тя [318].
Паки примечается зде, что всяк слышати сладкое пение хощет, и коль сладко утешается тем, сказать невозможно: тамо услышится сладкое пение Ангелов святых и избранных. Во граде оном по всем стогнам поют пресладкую песнь: Аллилуиа, яко воцарися Господь Бог Вседержитель. Радуимся и веселимся, и дадим славу Ему, яко прииде брак Агнчий и жена Его уготовила есть себе[319].
Паки видим и слышим зде, коль приятно и радостно торжествуют люди над побежденными врагами своими, от которых много напасти и бедствия претерпели: тамо будут избраннии Божии вовеки торжествовать над врагами своими, смертию и адом, пети победную песнь и в радости духа восклицати: тогда будет слово написанное: пожерта бысть смерть победою. Где ти, смерте, жало? где ти, аде, победа? Богу благодарение, давшему нам победу Господем нашим Иисус Христом[320].
Ничто так зде людям не приятно, как согласие, мир и любовь между собою имети. Бесспорна сия истина у всех, не токмо у христиан, но и у язычников; вси того желают и ищут. Тамо будет между избранными Божиими совершенный мир, согласие и любовь, понеже будут вси совершенно друг друга любить и вси единого хотеть, чего един Отец Небесный хощет, и не хотеть, чего Он не хощет. Тогда исполнится совершенно воля Небесного Отца. Всяк знает, как ныне радуется человек, сыскавши себе другов честных, постоянных и почтенных: тамо будет избранных Божиих дружество со святыми Ангелами; тогда будет едина Церковь, едино стадо Ангелов и человеков, и едиными устнами и единым сердцем будут хвалить и петь Пресвятую Троицу, Бога и Создателя своего. О, любезное и вожделенное дружество, в котором Ангели с человеками и человеки, как Ангели, соединятся с Ангелами! Будет бо беззазорное, безлицемерное, истинное и святое дружество.
Паки, как приятно и любезно людям зде жить в безопасности, в тишине, никакого страха не бояться, от всех наветов вражиих свободным быть. Тамо будет совершенная безопасность и тишина; всякий тамо страх места имети не будет, понеже всякая вражда и злоба оттуду удалена: враги и наветники в своем месте заключены будут, и между теми и сими утвердится пропасть велика[321].
Како зде утешается всяк славою и честию, кто любит ее, всякому известно, хотя и знает, что она как цвет увядает, или как тень исчезает, или как сновидение отходит: тамо будет слава и честь истинная, постоянная, вечная, великолепная; тогда открыются сынове Божии и явится слава их. Возлюбленный, ныне чада Божии есмы, и не у явися, что будем: ее-мы же, яко, егда явится, подобны Ему будем[322]. Тогда святии Божии, которые Единородному Сыну Божию зде были сообразни в страдании, сообразни будут и во славе. Понеже с Ним страждем, глаголет Апостол, да и с Ним прославимся. Непщую бо, яко недостойны страсти нынешняго времене к хотящей славе явитися в нас. Чаяние бо твари откровения сынов Божиих чает[323].
Коль за великое блаженство почитает человек премудрость! Блажен человек, иже обрете премудрость, и смертен, иже уведе разум[324]. Тамо открываются блаженным вси премудрости Божия сокровища, познают они ясно Бога с Его Божественными свойствами и в Бозе увидят таинства, ныне сокровенныя, ибо разум будет просвещен Божественным светом; как бо ныне воздух солнцем, светло и ясно сияющим, просвещается и чист, ясен и светел бывает, тако тогда души избранных Божиих просветятся светом вечного и незаходимого Солнца – Бога и сами просветятся, яко солнце, в Царствии Отца их[325]. Тогда тое пророческое исполнится совершенно слово: во свете Твоем (Господи!) узрим свет[326].
За велико почитают люди зде царю всегда предстоять и смотреть на лице его, – от всех[327] таковые ублажаются, – а паче, когда царь будет благочестивый, праведный, милостивый и мудрый: предстоящий бо царю и славы царския приобщаются. Тамо избраннии Божии предстанут Христу, Царю Небесному, и увидят Его в Божественной славе, и во веки веков будут с Ним, якоже Сам Спаситель о сем молил Небесного Отца Своего: Отче, ихже дал еси Мне, хощу, да идеже есмь Аз, и тии будут со Мною: да видят славу Мою, юже дал еси Мне[328]. О, как возрадуются тогда люди Божии святии, когда станут пред Царем славы и сами славы Его причастники будут, яко с Ним страждут, да и с Ним прославятся[329], и Которого ныне не сумнятся и не стыдятся веровати и исповедовати быти Бога своего, аще и родился от Девы, и яко Человек на земле пожил, пострадал и умер, Того уже не верою, но лицем к лицу в Божественной Его славе увидят, – и ради Которого ныне поношение, бесчестие, гонение и страдание терпят, ради Того и с Ним, яко уды с главою и яко меньшая братия и сынове Божии, с Единородным Сыном прославятся, вознесутся, возвеличатся и увенчаются!.. Егоже не видевше любят, и на Негоже ныне не зряще, верующе же, радуются радостию неизглаголанною и препрославленною[330]. Тогда в явление славы Его возрадуются веселящеся[331]. Коль ненасытно желают люди Бога видети, люди, которых сердце любовию Его уязвилося, которые с пророком поют Ему: Имже образом желает елень на источники водныя, сице желает душа моя к Тебе, Боже. Возжада душа моя к Богу крепкому, живому[332]. Тогда люди сию алчбу свою утолят и жажду свою прохладят ненасытным видением прелюбезного Божества. Видим ныне, глаголет Павел, боголюбивая душа, якоже зерцалом в гадании, тогда лицем к лицу[333]. Ныне живуще в теле, отходим от Господа. Верою бо ходим, а не видением[334]. Тогда увидим Его лицем к лицу. Ныне создание Его видим и от создания Создателя познаем, но Создателя не видим – тогда Самого Создателя лицем к лицу увидим. Ныне благодеяниями Его снабдеваемся, насыщаемся и утешаемся, но Благодетеля не видим – тогда Самого Благодетеля увидим. Ныне слышим святое слово Его, пророками и апостолами Его объявленное, но Глаголавшего не видим – тогда Самого Его увидим. Ныне дарования Его от Него, как ручьи от источника, на нас щедро изливаются, но Дарователя не видим – тогда Его увидим и от Него Самого, как Источника приснотекущего, почерпати будем преизобильно, непрестанно, без сытости и без конца. Ныне посещающего нас и толкающего в двери сердец наших, наказующего и утешающего, яко Отца, опечаляющего и увеселяющего Его чувствуем, но Самого не видим – тогда самое лице Его святейшее, яко Отца дети, увидим, и возрадуется сердце наше, и радости нашея никтоже возмет от нас[335]. Ныне в молитве, пении, славословии и хвалении стоим пред Ним и молимся Ему, призываем Его, поклоняемся Ему, поем Ему и хвалим Его, но Самого, Емуже[336] молимся, поклоняемся и поем, не видим, верою бо ходим, а не видением [337],– тогда Самого лицем к лицу увидим и будем видеть во веки и поклоняться; будем петь и хвалить без труда, и видеть без сытости, и узрим Его, якоже есть[338]; тогда приидем и явимся лицу Божию[339]. Тогда насытимся, егда явится нам слава Его[340]. Тогда исполнится слово оное: Якоже мати утешает дитя свое, тако Аз утешу вас; узрите, и возвеселится сердце ваше[341]. Тогда будет Бог всяческая во всех[342].
