Спасайся.

Уповаю, что еще хочешь знать о томжде и лучше известитися, что убедило Сына Божия, Господа нашего, приити в мир, воплотитися, страдати и умереть за нас, и я хощу в том поучитися и написати тебе, да и мне поучающемуся, и тебе слышащему всегда великое тое дело обращается пред душевными глазами. Всегда бо должны мы о сем великом деле памятовать и за тое Богу нашему от сердца благодарить. Известно от Святого Писания, что вси человеки, сколько ни было, и есть, и будет, согрешили пред Богом. Вси согрешиша и лишены суть славы Божия[77]. Затвори Писание вся под грехом. А писано есть: проклят всяк, иже не пребудет во всех писанных в книзе законней, яко творити я [78]. Следовательно, вси человецы под клятвою быть учинилися, яко законопреступники, и следовало всем, по силе клятвы, вечной казни и мучению преданным быть; сего бо клятва законная требует. Христос Сын Божий от сей клятвы искупил нас, не сребром и златом, но честною Своею кровию[79] и смертию, якоже Апостол написал: Христос ны искупил есть от клятвы законныя, быв по нас клятва. Писано бо есть: проклят всяк висяй на древе[80]. И так Христос сделался ради нас клятвою, да нам подаст благословение, и грехи наши на Себя взял, да нам Свою правду верою подаст, следственно, и от вечной казни, которая клятве последует, избавил нас и отворил вечное блаженство, которое благословению Божию последует. Тако Ему Святая Церковь поет: Искупил ны еси от клятвы законныя честною Твоею кровию, на Кресте пригвоздився и копием прободся, безсмертие источил еси человеком, Спасе наш, слава Тебе[81]. Видишь убо, что убедило Христа нас ради распятися и умрети: то есть неизреченная Его к нам любовь и крайняя наша бедность и погибель вечная, которой мы вси подлежали. Читай о сем Послания Апостольския и внимай прилежно стихам и песням церковным, и яснее увидишь, и уразумеешь, и признаешь, что кроме[82] Христа нет никому спасения. Слава спасшему нас Христу Богу, Которому себя и тебя поручаю в милость и защищение.

Спасайся о Христе.

Видел ты, как страшна есть клятва. Страшна клятва, страшен и грех. Клятва вечному осуждению и мучению предает, а грех клятве подвергает грешника. Страшно убо грешить и Божий закон нарушать, яко закон нарушенный клятвою поражает грешника, клятва же вечной подвергает казни. Сладок людям грех, но горек плод его. Услышат люди согрешивший и непокаявшиися: Идите от Мне, проклятии, во огнь вечный, уготованный диаволу и аггелом его [83].

Убоимся убо, возлюбленне[84], клятвы и уклонимся от греха, да не паки подпадем клятве, от которой Христос искупил нас кровию Своею. Лучше все на всякий день терпеть, лучше во всякой болезни и страдании быть, лучше на всякий день биение и мучение страдать, лучше на всякий день умирать, когда то возможно и нужно будет, нежели согрешать и под клятвою быть. Рассуждай сие и берегись греха, как смертельного яда, который и душу и тело вечно умерщвляет.

Спасайся.

На вопрос твой: всех ли Христос Господь пришел спасти? – отвещаю: Вси согрешиша, и лишени суть славы Божия[85]. Вси согрешили и погибли, убо всех и спасти пришел Господь. Христос Иисус прииде в мир грешники спасти[86]. Вси грешники, убо всех и спасти пришел. Христос за вся умре[87], убо и всех спасти пришел. Посему и Евангелие проповедати всей твари повелено, да вси, услышавше, веруют и спасутся[88]. И во всю землю изыде вещание их (апостолов), и в концы вселенныя глаголы их[89]. Бог бо на лица человеческий не зрит; Ему вси равны, всех равно хощет спасти, никому не хощет погибнуть[90] ^[91]: всем человеком хощет спастися и в разум истины приити¹. Сего ради для всех и Сына Своего в мир послал, да вси Его благодатию спасение получат. Следственно, ради меня и тебя и всякого человека пришел Христос Господь в мир, родился, пострадал и умер. Слава пославшему Отцу, слава и пришедшему Сыну грешныя спасти! В сем наше утешение и радость состоит. Отсюду да почерпаем утешение, что и ради меня и тебя пришел, пострадал и умер Христос Господь. Да прохладит сей живый источник души наши грешныя; сим прохлаждайся во время зноя, утешайся, не изнемогай, стой и мужайся.

Спасайся.

Неужели-де еси и спасаются, когда ради всех Христос пришел в мир?

Отвещаю тебе на сие кратко. Воля Божия хощет всем спастися, и Христос всех спасти пришел, как я писал тебе, но не вси спасаются. Христос Господь по воскресении Своем сказал апостолам: Шедше в мир весь, проповедите Евангелие всей твари. Иже веру имет и крестится, спасен будет; а иже не имет веры, осужден будет[92]. Убо кто Его верою приемлет и крестится во имя Отца, и Сына, и Святаго Духа, той спасается, а кто Его не приемлет, той погибает. Тако не приняли Его иудеи, бывший Его люди, якоже пишется: Во своя прииде (Господь Иисус), и свои Его не прията [93]. Тако не приемлют Его магометане, и прочий языки[94]и идолопоклонники, и ложные христиане, которые на языке веру, но в сердце безбожие имеют, о каковых Апостол написал: Бога исповедуют ведати, а делы отмещутся Его, мерзцы суще и непокориви, и на всякое дело благое неискусни[95].

Спасайся.

На вопрос твой: как Христос Господь от нас[96] приемлется? – по силе моей отвещаю тебе.

Видал или, может быть, слыхал ты, как граждане царя своего, во град их пришедшего, приемлют: исходят из домов своих, сретают его с радостию и поклоняются ему, и всяк в дом свой желает его принять. Христос Господь Царь Небесный пришел в мир сей, как град великий, руками Его сотворенный, в котором мы живем; изыдем убо и мы к Нему в сретение, не ногами, но сердцами, и поклонимся Ему, и припадем со смирением, радостно сердцами и устами взывая Ему: благословен Царь Израилев, пришедый спасти нас! Только что пришел Он в мир, волхвы издалеча пришли и поклонилися Ему и, отверзше сокровища своя, принесли Ему дары: злато, и Ливан, и смирну[97]. И так подобающею честию сретили Его, яко Царя. Тако показали образ нам, как Его сретать. Уподобимся убо и мы оным верным рабам Его, и приидем[98] к Нему сердцами нашими (ибо Он ныне не на земле, якоже прежде, обращается, но на небеси одесную Бога сидит), и приимем[99] Его как Царя нашего, и принесем Ему дары не вещественные, каковых Он не требует, но невещественные, яко Богу: веру нелицемерную, благодарение сердечное и послушание любовное, яко Царю своему; оставим мир с похотию своею, как дом, в котором ветхий наш человек упокоевается, и, покаянием и верою в Него очистивше домы сердец наших, попросим Его со смирением, да посетит нас. Читаем во Святом Его Евангелии, что Он никем не гнушался, яко Человеколюбец, но к зовущим Его в домы входил, и вечерял, и с самими грешниками ял, и обращался, и беседовал, яко пришедый грешники спасти. Не возгнушается и нами грешными, и приидет к нам, и посетит нас Своим человеколюбием, ежели только очистим домы наша истинным покаянием, сокрушением и жалением о прежних грехах, и приготовим их, яко Царю таковому, Который в чистых сердцах обитает и упокоевается, и попросим Его со смирением и верою. Аще бо и не видим Его сими глазами, но Он неотлучно пребывает с любящими Его и невидимо посещает их.