Освецоное Княжа Пане а пане мой милостивый, службы мое на нижшые и молитвы уставичные убогие чернецкие ласце вашей Княжацькой милости покорне залецам.

А ижем через так час долгий до вашей мости, своего милостивого Пана, ничого не писал, иншая причина того не есть, одно тая, и жем ничого певного у себе еще немел, хотя ж то люде тыми часы непевные новины у нас всех розсевали, яко бых мовже до Рымское веры на всем пристать, мшу служить и опреснока их заживати мели, што все правда ли есть, сам то Ваша мост, яко Пан мудрый и Богобойный, обачивши здальшого писанья, уважити и осудити можеш, бо если же чоловеку приватному, который немаючи в пороченью своем душ людских, але только сам о своем пекучисе, и так мает се, на што розмышляти, якобы души своей ни якого ущербку не учинил, яко далеко большей тым, которые не только свое, але и иншых людей души впороченью своем от Бога мают, старатисе потреба, же бы и своего и людского сумненья не завести, ведаючи, иж и наменшое светых Пан Бог зрук наших смотрети будет, а кутому вспомневши на Христа збавителя своего, который мовил в Евангелии своем, што запожиток чоловеку, хотя бы и увесь свет собе позыскал, а еслиже души своей який ущербок учинит, и якую отмену даст за душу свою, то теды все ныньшне, местцатым подобные, вписме светом маючи пред очима своима, и хтож бы ся неулекнул, и хтож бы так запаметалым был, же бы для куска марное роскоши, альбо пожитку сего светнего, который яко тень мимо идет, мельбы запомнивши Бога и повинности своее хрестиянское, што такового противку сумненью чинити, чым бы и маестат Божый образивши и сумненья людские заведши, собе вечную погибель позыкати, про то не рач Ваша мость всему верити, хотя ж вем иж не маю новин непевных до ушью Вашей мости благочестивых о некоторых знас донесет, яко бых мо што противного вере и церкве нашой становити мели, а хотя еще ничого не сталося, не только лихого чого Боже уховай, але и доброго, а то ли есьмо так нещастливи, же нас за отщепенцы и за геретики люде удают, и ни якого старания и обмышляляванья о церкви Божой и о покою ее чинити не допущают зезды наши и иншые справы, церкви Божой потребные, за подзорные мают, а то надивнейшая, иж всим геретиком, якоеж кольвек секты вольно зеждчатися, порядок в соборищах своих становити, наконец не только противко веры и релией Христианских але и противно маестатови Божому, и превечной хвале одинеродного сына Божого, писма заразливше, выдавать, людей христианских от старожытное веры и от хвалы Божое на свое проклятые ереси наворочать, не маючи ни якое порадное зверхности церковное, а наш ркомо то горким Епископом, которые сукцесию свою почитавши от Христа самого, найвысшого пастыра, и его апостолов его светых порядную, и не разорваную маем, не мает быти вольно о порядку Церкви Божои, о покою ее промышлять и радить, яко бы мо не только сами тепер во в покою могли запомочью Божею церкви свое и веру православную вцале задержать, але и потомком нашим што доброго на прышлые часы справити, азвлаща маючи еще Благочестивых Господарей и Панов потроше веры нашое; тут втом Панстве его Королевское милости Господара нашого, межи которыми ваш Княжацкую милость на преднейшее светило релии нашое, без всякого похлебства признавати мусим а так, гдебыс Ваша мость, яко Пан и оборонца наш милостивый, мел нам до всего доброго допомогати, и побудкою до всего быть, тут, яко нас слухи доходят, немилостиве и не ласкове нас слуг и Богомольцов своих вспоминати рачиш, ачь не див за такими непевными новинами такого мниманя о нас быти, але кгды Ваша мость, отложивши на сторону гнев свой, пильне втую справу угленуты будеш рачыл, так разумею о благочестию Вашей милости, же нам и сам до того ласкаве допоможеш для хвалы имени Божого, и для задержанья втых злых и не безпечных часех веры и Релии нашой, ту теж и для славы своее несмертельное, прикладом оных светобливых предков своих, которые в тых панствах Фундаторми тое светое Релии Церкви светое Восточное были. А так я, слуга и Богомолец Вашей Княжецкое милости, паметаючи на ласку Вашей милости, и на то, жем з воли Божее, за усилованьем твоим благочестивым, на той убогой столицы Епископской усел, паметаючи теж и на повинность мою, которая та есть, абым о порядку церкви Божое промышлял и то, што се вней нарушило, изыншими братьею своею за помочью Божею о ниправу ее спильностью старал не садечисе на благий разум и довстип свой, але маю чи уста вичне пред очима своима писмо светое а видечи иж нам барзо малый ратунок од восточников наших. Так вписме, яко и внауках Церкве Божой потребно, а не див бо тиранство поганьское и неволя через так долгий век все вынищила, иж тепер чого у себе не маем, всего у противников наших позичати и доведыватися мусим, поколь теды ничого певного межи нами еще не было, Вашей милости своему милостивому Пану ознаймити не моглем, але тепер што межы собою маем, и на што згажаемсе, то Вашей мости, своему милостивому Пану на письме посылаю, при котором писме и сам рад бым был и Вашей мости, своему милостивому Пану, то ясне указал, для чого то чиним, паметаючи, теж и на упоминание Вашей мости, и не до Берестя на писме через Пана Василия, Суразского Наместника посланое, где нас, Ваша мость, напоминати рачиш, а бых мо се о згоду с — Костелом Рымским старали, и якобы без нарушения веры и релии нашое быти могла. Даи же то Пане Боже, абысь Ваша мость и теперь тоее-ж хути будучи, и нам, яко слугам и богомольцам своим, до того ласкаве допомог и по важностью зацного имени своего до тое справы старанье прыложил, о што унижене и слезне прошу, и именем Божим, яко сына церкви Божое милого и благочестивого, упоминаю, не обрушай се гневом, але спокойным, а умиленным умыслом прочитай тые артыкулы, обачиш, иж ни чого нового, але зсторони веры нашое нет, опрочь только единого календара, и тот не есть артыкул веры, але церемония такая, которую безнарушенья сумненья церков Божая одменити может. О чом всем ширшую справу и выводы, на каждую речь досконалые, дал бым кождому, хтобы того потребовал, иж мало не все вруках своих маем, только не бачым, альбо видечи розумети не хочем. Дал бы то Пан Бог, абым се звашей милостью, моим милостивым Паном, где видети мог пред одеханьем моим до Его Королевское милости, у которого не мешкаючи за росказаньем его милости, Господарским быти мушу, ведь же первей бывши в — Люблине у Трибуналу, для убогих справ своих, бо мене борздо, але добре сусиди мое мыти починают, притом прошу покорне, абы ми, Ваша мость, на тое писанье мое, если ласка Вашей милости будет, отписати рачил, а мене змилостивое ласки своее, яко слугу и богомольца своего, уставичного опущати не рачил и противного мниманья о мне быти не хотел. Писан у Рожанце 16 Июня року 95.

Божиею милостию, от Великого Государя, Царя и Великого Князя, Михаила Феодоровича, всея России Самодержца, и могих государств Государя и Обладателя, Запорожских Черкас Гетману, Петру Конашевичу, и Атаманам и Сотским, и Ясаулам и всему войску, наше государское милостивое слово. В нынешнем во 128 году присылали еще к нашему Царскому Величеству ото всего войска посланцев своих, Петра Одинца с товарищи, с грамотою, а в грамоте своей к нашему Царскому Величеству писали есте, и речью нашего Царского Величества приказным людям те ваши посланцы говорили, что вы, памятуючи то, как предки ваши Запорожские гетманы, и все войско прежним Великим Государям Царям и Великим Князьям Российским повинность всякую чинили и им служили, а за свои службы он них Государей милость и жалованье к себе имели, в той же повиности вы и ныне нашему Царскому Величеству быти хотите, и, за порогами будучи, службу свою к нам оказывати хотите против всяких неприятелей наших и ныне ходили есте на Татарские улусы, и многих Татар побили и в полон поимали, и того своего полону прислали есте к нам с посланцы своими дву Татаринов, и просите того у нашего Царского Величества, чтоб нам вас жаловати послуги ваши и тех полоняков велети милостивно принять и пожаловатиб вас за ваши службы нашим Царским жалованьем, а вы и впредь нашему Царскому Величеству прямо и верно служити будете. И мы, Великий Государь, тебя Гетмана, Петра, и все войско за то похваляем, что вы нашия Государския милости к себе поискали и службу свою к нам, Великому Государю, оказуете и впредь нам службу свою и раденье хотите оказывати, и языков Крымских у посланцев ваших велели есмя приняти, а посланцам вашим велели есмя быти у наших бояр и приказных людей, и посольства их велели есмя выслушати милостивно, и впред вас в нашем милостивом жалованьи имети хотим, и пожаловав посланцев ваших нашим Царским жалованем, велели есмя отпустити к вам; а с ними послали к вам ныне легкое наше жалованье триста рублев денег, а впред вас в нашем жалованьи забвенных не учиним, смотря по вашей службе. И ты б Гетман Петр, и все Запорожское войско, наше жалованье приняли, а на Крымские улусы ныне вас не посылаем; потому что Крымский Джанбек Гирей Царь на наши великия Государства сам, и Царевичи и Князи и Мурзы войною неходят и людям нашим шкоты не чинят ни которыя, а наши люди потомуж Крымским улусам шкоты ни которыя не делают. Писана в Государствия нашего дворе царствующего града Москве, лета 7128, месяца Апреля, 21 дня.