3. Аще ли кто кого ударить батогом¹⁸, любо жердью, любо пястью¹⁹ или чашею, или рогом²⁰, или тылеснию²¹, то 12 гривне; аще сего не постигнуть, то платити ему, то ту конець.

4. Аще утнеть²² мечем, а не вынем²³ его, любо рукоятью, то 12 гривне за обиду.

5. Оже ли утнеть руку, и отпадеть рука, любо усохнеть, то 40 гривен… аще будет нога цела, или начнеть храмати, тогда чада смирять.

6. Аще ли персть²⁴ утнеть который любо, 3 гривны за обиду.

7. А во усе 12 гривне; а в бороде 12 гривне.

8. Оже ли кто вынезь мечь, не тнеть²⁵, то тьи гривну положить.

9. Аще ли ринеть²⁶ мужь мужа, любо от себе, любо к собе 3 гривне, а видока два вывелеть; или будеть Варяр²⁷ или Колбяг²⁸, то на роту.

10. Аще ли челядин²⁹ съкрыется³⁰, либо у Варяга, либо у Кольбяга, а его за три дни не выведуть, а познають и в третий день, то изымати ему свои челядин, а 3 гривне за обиду.

18. Аще убьють огнищанина⁵, в обиду, то платити за нь 80 гривен убиици, а людем не надобе⁶; а в подъездном⁷ княжи 80 гривен.

19. А иже убьють огнищанина в разбои, или убийца на ищуть⁸, то вирное⁹ платити в ней же вири¹⁰ голова начнеть лежати.

20. Аже убьють огнищанина у клети[37] или у коня или у говяда², или у коровье татьбы³, то убити в пса место⁴; а то же покон⁵ и тивуницу⁶.

21. А в княжи тивуне⁷ 80 гривен; а конюх старый у стада⁸ 80 гривен, яко уставил Изяслав в своем конюсе⁹, его же убиле Дорогобудьци¹⁰.

22. А в сельском старосте княжи и в ратаинем¹¹ 12 гривне. А в рядовници¹² княже 5 гривен.

23. А в смерде¹³ и в хопе¹⁴ 5 гривен.

24. Аще роба кормилица любо кормиличиць^15, 12.

25. А за княжь конь, иже той с пятном¹⁶, 3 гривне; а за смердеи 2 гривне.

26. За кобылу 60 резан^17, а за вол гривну, а за корову 40 резан, а за третьяк¹⁸ 15 кун¹⁹, а за лоныцину²⁰ полъгривне, а за теля²¹ 5 резан, за яря²² ногата, за боран ногата²³.

30. А в княже борти ²⁴ 3 гривне любо пожгуть, любо изудруть²⁵.

31. Или смерд умучать, а без княжа слова, за обиду 3 гривны.

32. А в гнищанине²⁶ и в тивунице и в мечници 12 гривъне.

33. А иже межу переореть любо перетес²⁷, то за обиду 12 гривне.

42. А се поклон вирный: вирнику²⁸ взяти 7 ведор солоду на неделю, тъже овен²⁹, любо полоть³⁰, или две ногате; а в среду резану, в [три] же сыры, в пятницу такоже; а хлеба по кольку мо-гуть ясти³¹ и пшена, а кур по двое на день; коне 4 поставити и сути им на рот колько могуть зобати³², а вирнику 60 гривен и 10 резан и 12 веверици³³; а переде гривна. Или ся пригоди³⁴ в говение³⁵ рыбами, то взяти за рыбы 7 резан. Тъ всех кун³⁶ 15 кун на неделю; а борошна³⁷ колько могуть изъясти, до недели же виру зберуть вирницы. То ти урок Ярославль³⁸…

43. А се урок³⁹ мостьников⁴⁰: аще помостивше мост взяти от дела[38] ногата, а от городници² ногата; аще же будеть ветхаго³ моста потвердити⁴ неколико доек, или 3, или 4, или 5, то тое же.

«Русская Правда», в пространной редакции сохранилась более чем в 100 списках. Пространная Правда значительно обширнее Краткой и разделена заголовками на отдельные главы. По своему происхождению Пространная Правда является памятником компилятивным, составленным на основании ряда источников, в том числе и Краткой Правды. Пространная Правда в известном нам виде возникла в конце XII — начале XIII века, но на основании более ранних источников, в том числе устава Владимира Мономаха. В нашем издании Правда издается по книге Г. Е. Кочина, «Памятники истории Киевского государства IX–XII вв.», Л. 1936, стр. 111–129.

1. Аже убиеть мужь мужа, то мьстити брату брата, любо отцю, ли сыну, любо братучадо⁵, ли братню сынови. Аще ли не будеть кто его мьстя, то положити за голову 80 гривен, аче будеть княжь мужь или тиуна княжа. Аще ли будеть Русин, или гридь, любо купець, любо тивун бояреск⁶, любо мечник, любо изгои, ли Словении, то 40 гривен положити за нь.

2. По Ярославе же паки совкупившеся сынове его, Изяслав, Святослав, Всеволод и мужи их Коснячько, ПеренЬг, Никифор, и отложиша убиение за голову, но кунами ся выкупати⁷ — А ино все якоже Ярослав судил, такоже и сынове его уставиша.

3. Аже кто убиеть княжа мужа в разбои, а головника⁸ не ищють⁹, то виревную¹⁰ платити в чьей же верви¹¹ голова лежить, то 80 гривен. Паки ли людин¹², то 40 гривен.

4. Которая ли вервь начнеть платити дикую веру¹³, колико лет заплатить ту виру, занеже без головника им платити. Будеть ли голощник их в верви, то за нь к ним прекладываеть¹⁴, того же деля им помагати головнику, любо си дикую веру. Но сплати им вообчи¹⁵ 40 гривен, а головничьство¹⁶ самому головнику; а в 40 гривен ему заплатити ис дружины[39] свою часть. Но оже будеть убил или в сваде² ли в пиру явлено³, то тако ему платити по верви ныне⁴ иже ся прикладывають вирою.

По «Ипатьевской летописи» «Ипатьевский летописный свод», сохранившийся в списке конца XIV или начала XV века, получил название от костромского Ипатьевского монастыря, где хранился. В нем уделяется внимание событиям южной Руси. Это говорит о южнорусском происхождении «Ипатьевской летописи». «Ипатьевская летопись» издана во втором томе «Полного собрания русских летописей». Были и отдельные издания. Помещаемые ниже отрывки взяты из издания «Летопись по Ипатьевскому списку», изд. Археографической комиссии, СПБ 1871.

И бе у него²³ Яким слуга възлюбленый им, и слыша от некого, аже брата его князь велел казнить, и устремися дьяволим научениемь, и тече²⁴ вопия к братьи своей, к злым съветником… и по-чаша молвити: «день²⁵ того казнил, а нас заутра; а промыслимы²⁶ о князе сем» — и съвещаша убийство на ночь, якоже Июда на господа. И пришедъши нощи, они же устремивьшеся поимавше оружья, поидоша на нь²⁷ яко зверье сверьпии; и идущим им²⁸ к ложници²⁹ его, и прия е³⁰ страх и трепет и бежаша с сений, шедше в медушю и пиша вино; сотона же веселяшеть е[40]в медуши и служа им невидимо, поспевая и крепя е, якоже ся ему обещали бяхуть; и тако упившеся вином поидоша на сени. Началник же убийцам бысть Петр Куцьков² зять, Анбал Ясин³ ключник, Яким Кучькович, а всих неверных убийць 20 числом, иже ся бяху сняли⁴ на оканьный съвет томь дни у Петра у Кучкова зятя. Постигъши бо ночи⁵ суботнии, на память святую апостолу Петра и Павла⁶, вземьше оружье, яко зверье дивии пришедшим им к ложници, идеже блаженый князь Андрей лежить, и рече один, стоя у дверий: «Господине, господине!» И князь рече: «Кто есть?» И он же рече: «Прокопьи⁷». И рече князь: «О паробьче! Не Прокопьи». Они же прискочивше к дверем, слышавше слово княже, и почаша бити в двери, и силою выломиша двери. Блаженый же въскочи, хоте взяти мечь, и не бе ту меча, бе бо том дни вынял и⁸ Амбал ключник его: то бо мечь бяшеть святого Бориса⁹. И въскочиша два окань-ная и ястася¹⁰ с ним, и князь поверже одиного под ся, и мневше князя¹¹ повержена и уязвиша и свой друг¹²: и посем познаша князя и боряхуся с ним велми, бяшеть бо силен, и секоша и меци и саблями и копийныя язвы даша ему. И рече им: «О горе вам, нечестивии! Что уподобитесь Горясеру?¹³ Что вы¹⁴ зло учиних? Аще кровь мою прольясте на земле, да бог отомьстить вы и мой хлеб». Се же нечестивии мневьша его убьена до конца, и въземьше друга своего и несоша вон, трепещющи отъидоша, он же во торопе выскочив по них, и начат ригати и глаголати в болезни сердца, цде под сени. Они же слышавше глас, возворотишася опять на нь. И стоящим им, и рече один: «Стоя видих яко¹⁴ князя идуща с сений долов¹⁶», и рекоша: «Глядайте его», и текоша позоровати¹⁷ его оже нетуть, идеже его отошли¹⁸ убивше; и рекоша: «То ть есме погибохом, вборзе ищете его». И тако вьжегше свещи налезоша и по крови…