Еще одна мелочь: кофе, по последним выводам ученых, снижает риск заболевания циррозом печени. Но для тех, кто страдает сердечной недостаточностью или гипертонией, кофе, к сожалению, вреден. А также кофе опасен в период беременности.
А мужчинам, которым приходится по роду работы носить постоянно галстук, стоит знать, что галстук перетягивает яремную вену на шее, что увеличивает давление глазного дна и является причиной глаукомы. А эта болезнь, в свою очередь, грозит впоследствии полной слепотой. Так что, господа мужчины, при любой возможности расслабляйте свои галстуки или вовсе не надевайте их.
В общем, ваша красота – в ваших руках!
Лечит божье слово
У православной церкви есть целый свод молитв, помогающих при самых различных заболеваниях, с точным указанием, к какому святому обращаться в каждом конкретном случае. Молитвы сложные, старинные, но тем они и ценны. Не ленитесь молиться, и вам воздастся...
При болезнях головы. Пророку Иоанну Крестителю
Крестителю Христов, проповедниче покаяния, кающагося не презри мене, но, совокупляяся с вои Небесными, молися ко Владыце за мене, недостойнаго, унылаго, немощнаго и печальнаго, во многия беды впадшаго, утружденнаго бурными помыслы ума моего.
Аз бо есмь вертеп злых дел, отнюдь не имеяй конца греховному обычаю, пригвожден бо есть ум мой земным вещем. Что сотворю, не вем, и тебе, святый Иоанне, благодати тезоимените, яко тя пред Господем, по Богородице вем больша быти рожденных всех; ты бо сподобился еси коснутися верху Царя Христа, вземлющаго грехи мира, Агнца Божия, Егоже моли за грешную мою душу, да поне от ныне, в первыйнадесять час, понесу тяготу благую и прииму мзду с последними.
Ей, Крестителю Христов, честный Предтече, крайний пророче, первый во благодати мучениче, постников и пустынников наставниче, чистоты учителю и ближний друже Христов, тя молю, к тебе прибегаю, не отрини мене от твоего заступления, но возстави мя, падшагося многими грехи, обнови душу мою покаянием, яко вторым крещением омываяй грех, покаяние же проповедуяй во очищение коегождо от дел скверных; очисти убо мя, грехми оскверненнаго, и понуди внити, аможе ничтоже скверно входит в Царствие Небесное. Аминь.
При суставных болях, ревматизме. Праведному Симеону, Верхотурскому Чудотворцу
О, святый и праведный Симеоне, чистою душею твоею в Небесных обителех в лице святых водворяяйся, на земли же с нами неотступно пребываяй. По данной ти благодати от Господа молитися о нас, милостивно призри на нас многогрешных, аще и недостойне, обаче с верою и упованием к тебе притекающих, и испроси нам от Бога прощение согрешений наших, в няже впадаем множицею во вся дни жития нашего. И якоже прежде овым убо от очныя зельныя болезни ни мало зрети могущим исцеление очес, овым же близ смерти бывшим от лютых недугов врачевание, и иным иная многая преславная благодеяния даровал еси: сице избави и нас от недугов душевных и телесных и от всякия скорби и печали, и вся благая к настоящему житию нашему и к вечному спасению благопотребная нам от Господа испроси, да тако твоим предстательством и молитвами стяжавше вся нам полезная, аще и недостойнии, благодарне восхваляюще тя, прославим Бога, Дивнаго во святых Своих, Отца и Сына и Святаго Духа, ныне и присно и во веки веков. Аминь.
При болезнях рук. Преподобному Иоанну Дамаскину
Песнописца и честнаго Богоглагольника, Церкве наказателя и учителя и врагов сопротивоборца Иоанна воспоим: оружие бо взем – Крест Господень, всю отрази ересей прелесть и яко теплый предстатель к Богу всем подает прегрешений прощение.
При болезнях зубов, десен. Святителю Ионе, Митрополиту Московскому
От юности твоея весь сам себе Господеви возложив, в молитвах, и трудех, и в постех образ быв добродетели, отонудуже видев Бог твое благое произволение, архиерея тя и пастыря Церкви Своей устрояет. Темже и по преставлении честное тело твое цело и нетленно соблюдеся, Ионо святителю, моли Христа Бога, да спасет души наша.
Ярем Господень измлада восприим, и Того стопам невозвратным желанием последовал еси, и освященнаго подвига достиже святительства паству приим и чудес от Бога дары прият, с верою приходящим к раце мощей твоих подаеши различным недугом исцеление неоскудно, отче наш Ионо, святителю Христов, моли Христа Бога даровати нам велию милость.
При болезнях желудка, грыже. Великомученику Артемию
Истинною бо Христовою верою утверждься, страстотерпче, мучителя злочестива царя, победил еси со идольским того возношением. Тем от Царя Великаго, вечно царствующаго, пресветлым венцем победным одарен бысть, вся исцеляяй болящия и призывающия тя, Артемие великий, моли Христа Бога спасти души наша.
При легочных заболеваниях. Святому Димитрию, митрополиту Ростовскому
О предивный и преславный чудотворче Димитрие, исцеляяй недуги человеческия! Ты неусыпно молиши Господа Бога нашего о всех грешных: молю убо тя, буди ми ходатай пред Господем и помощник на преоборение страстей ненасытныя плоти моея и на одоление стрел сопротивника моего диавола, имиже уязвляет немощное сердце мое и, аки гладный и лютый зверь, алчет погубити душу мою.
Ты, святителю Христов, моя ограда, ты мое заступление и оружие. Ты, великий чудотворче, во дни подвигов твоих в мире сем, ревнуя о Православней Церкви Божией, яко истинный и добрый пастырь, неблазненно обличал еси грехи и невежествия людския, и от стези правды в ереси и расколы уклонившияся на путь истины наставлял еси. Споспешествуй убо и мне кратковременный путь жизни моея исправити, да непреткновенно пойду по стези заповедей Божиих и неленостно поработаю Господеви моему Иисусу Христу, яко единому Владыце моему, Искупителю и праведному Судии моему. К сим же припадая, молюся ти, угодниче Божий, егда изыти души моей от бреннаго сего телесе, избави ю от темных мытарств: не имам бо добрых дел ко оправданию моему: не даждь сатане возгордится победою над немощною душею моею: избави ю от геены, идеже плач и скрежет зубов, и святыми молитвами твоими сотвори мя причастника Небеснаго Царствия в Троице славимаго Бога, Отца и Сына и Святаго Духа, во веки веков. Аминь.
При заболевании почек. Великомученику и целителю Пантелеймону
О, великий угодниче Христов, страстотерпче и врачу многомилостивый Пантелеимоне!
Умилосердися надо мною, грешным рабом, услыши стенание и вопль мой, умилостиви Небеснаго, Верховнаго Врача душ и телес наших, Христа Бога нашего, да дарует ми исцеление от недуга, мя гнетущаго. Приими недостойное моление грешнейшаго паче всех человек. Посети мя благодатным посещением. Не возгнушайся греховных язв моих, помажи их елеем милости твоея и исцели мя; да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприяти благий конец жития моего.
Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь.
При депрессии. Преподобному Афанасию Афонскому
Преподобне отче Афанасие, изрядный угодниче Христов и великий Афонский чудотворче! Во дни земнаго жития твоего многия на путь правый наставивый и в Царствие Небесное мудре руководивый, скорбныя утешивый, падающим подавый руку помощи и всем любезен, милостив и сострадателен отец бывый, ты ныне, в Небесней пребывая светлости, наипаче умножаеши любовь твою к нам, немощным, в море житейстем различне бедствующим, искушаемым духом злобы и страстьми своими, воюющими на дух. Сего ради смиренно молим тя, святый отче: по данней тебе от Бога благодати помози нам творити волю Господню в простоте сердца и смирении, искушения же вражия победити и свирепое страстей море изсушити, да тако немокренно прейдем житейскую пучину и предстательством твоим ко Господу сподобимся достигнути обетованнаго нам Царствия Небеснаго, славяще Безначальную Троицу, Отца и Сына и Святаго Духа, ныне и присно и во веки веков. Аминь.
