Эми бүгүнкү күндө элимде болуп жаткан турмуштан бир үзүндү алып талдап көрөлү. Турмушта анча маани берилбегени менен көпчүлүк адамдын тагдырына өтө таасир этүүчү биринчи, “негизги” себептердин бири болушу мүмкүн.

Жашоо көп кырдуу, аны ар тараптан изилдөөгө болот.

Мен азыр, төмөндө келтирген мисалдардан кийин кээ бир адамдар кандайча далилиң бар – деп сурашы мүмкүн. Мына ушундай суроо пайда болгондо өзүңдөн, тууган уругуңдун же тааныштарыңдын тагдырына көңүл буруп көр. Мурда күмөнсүрөө менен карасаң, эми коркпой эле сурай аласың. Аны ар бир адамдын бүгүнкү күндөгү келбети, мүнөзү кандай, кайсыл жери ооруйт көрүнүп турат.Ушундай тартипте, эч кимге айтпай кыйналып жүргөн адамдарды түшүнүп алууга болот деп ойлойм. Себеби, кээ бир адам түнт, эч кимге сырын айткысы келбей оорууга чалдыгат. Андай адамга суроо берип отуруп, ичиндеги кыйнаган түйшүгүнөн кутултууга болот. Мына ушинтип өзүңө өзүң далилдөөнү турмуштук өзүңдүн тажрыйбаң менен кана табасың, себеби, ар бир нерсеге адамдын “акылы” далил сурайт. Эми, өзүңдүн тажрыйбаң сага түбөлүктүү билим болуп кызмат кылат.

Ал эми “акылдуу адам” өзүнүн кемчилигин көргүсү келбей актанат, күнөөлүүнү издейт б.а бирөөнүн кемчилигин көрүү “акыл” үчүн абдан оңой. Ошон үчүн өзүңдүн акылыңды ишендирүү үчүн өзүңдү өзүң изилдөөдөн, түшүнүүдөн баштоо зарыл. Төмөндөгү жазуулар коркутуу үчүн эмес, жашоонун процессин “ түшүнүү” үчүн жана ар бир адамдын өз тагдырын өзү кантип түзүп жаткандыгын көрө билүүсүнө жардам берет. Жүрөгүнүн түпкүрүнөн түшүнгөн адам, бул суроого жоопту өз башынан өткөрүп же айлана чөйрөсүнүн ачык даана көрө баштаганда кана “далилди” ишенимдүү бекемдей алат. Адам тагдыры ар бир адам, өзү тарабынан түзүлөөрүн түшүнөт. Бешенеге жазганды көрөм, деген түшүнүктү терең түшүнө баштайт. Ошентип, “Өзүңдүн жасаганың өзүңө муш” жана “Акылдуу болуу оңой – акылман болуу эмгекти, турмуштук тажрыйбаны талап кылаарына” көңүл бөлө баштайсың.

–

[А] Жаман ойдон бактысыз жашоо курулат. Дене оорууга чалыгат, көйгөй көбөйөт.

Эмесе, “терс ойдогу” адамдардын жашоосунан бир көрүнүш. Бул жердеги мисалдар үстүртөн, анализделип жазылды жана акыры кандай турмушка алып келиши мүмкүн экендигин “эске” алуу үчүн кана берилди. “Сөзсүз ушундай болот экен”, деп коркуунун кереги жок. Жакпаган нерсени өзү каалагандай жакка өзгөртүүгө ар бир адамдын акысы бар.

Ар бир адам жаратылышынан “жакшы” адам. Аны “жаман” кылган анын “жасаган иши”, “ойлогон ою”, “сүйлөгөн сөзү”, “сезими” “учур чакта “ өзүн өзү тең салмактуулукта кармай албагандыгы. Жашоонун закондорун түшүнбөстүгү, адамдар менен болгон мамиледе өзүн “төмөн же жогору” сезиши.

Мисалы: Жумушта жүргөн жаш апа эмчектеги баласын чоң энесине таштап кеткен. Баласы эсине түшкөндү эле , балам ооруп калбаса экен, энем убагында тамак бергенди унутуп калбаса эле, – деп ойлойт.

Эми ошол ойдун кандайча иштешин жөнүндө, жашоонун бир тармагын мисалга алып анализдеп көрөлү.

БАЛАГА : Апа менен баланын ортосунда заматта энергетикалык байланыш пайда болду. Апа баланы өзүнүн “күмөнсрөөсү” менен наристени – “күмөнсүрөөнүн, корунучтун толкунуна улады”,

– экинчиден балам ооруп калбаса экен дегени, баланын денесин алсыратты, иммунитетин начарлатып тез-тез шамалдоосуна алып келиши мүмкүн. Албетте, омуртка аркылуу өтүүчү токтун кубаттуулугу өзгөрдү,

– эненин боору ачыганы, жаш баланын Аалам менен байланышын начарлатты, өсүүсүнө тоскоолдук кылганы. Келечекте бала ишенчээк, таарынчаак, тартынчаак, мүнөзү жумшак, жалтанчаак, өз оюн ачык айта албаган бала болушуна шарт түзүлдү.

ЧОҢ ЭНЕ: энергетикалык канал аркылуу, баланы унутууга шарт түзүзлүп, чоң энеге күмөнсүрөөнүн толкуну уланды.

– “Унутуп калбаса экен” дегенде сөзсүз унутуп калат, себеби, ал ой “учур чак” менен “энем баланы унутуп калат” деген маалымат Ааламга жөнөтүлдү. Натыйжада кемпир унутат, кемпирдин холестеринин көбөйтүп, канын коюлантат.

Кандын коюлушу – унутчаактыкка алып келет. Боордун иштеши начарлайт. Демек, чоң эненин денеси жыйрылып, кан басымынын көтрөлүшүнө абал түзүлдү. Ичинен бушайман болуп, кыжалатчылыгы көбөйдү. Келиним келсе эмне дейт? – деп өзүнчө уйгу– туйгу боло баштайт. Денедеги токтун агымынын нормасы бузулду. Ички ток өткөргүч каналдарда, нервдерде майда кыл тамырлар кысылып, алардын жарылуусуна кырдаал түзүлдү. Булчуңдары жыйрылып, жүрөгү сыгыла баштады.

“Жоон тамыр, кыл тамырлардын баары ток өткөргүч – нур каналдары”.

Ички дүйнөдө кыжаалатчылык, коопсуздук сөзсүз кан басымын жогорулатып, кемпирди оорууга дуушар кылышы мүмкүн.Натыйжада кемпир баланы өз убагында тамактандырууну унутат. Эстегенден кийин өзүн өзү жемелөөгө өтөт.

Өзүн –өзү урушуу бул, өзүн өзү сүйө албагандыгы, “сүйүүнүн” жетпегени, ал деген, келечекте, «анемия» кан аздык оорусуна шарт түзүүсү, небере чеберелеринин бактысыздыгы б.а. ажырашуу, ар кандай ооруулар, баласыздык, алкаголик, наркоман, кыстеке балдардын төрөлүшүнө себепкер болушу мүмкүн.

Кемпир тынчызданып, келиним, уулум келсе урушат деп, коркконунан бели бошоп, алдан күчтөн тая баштайт. Омурткасындагы негизги ток өткөргүчтөр кысылып, денеси шалдырап, алсыраганга өтөт. Натыйжада, “жашоонун энергиясы” алсызданды. Бел омурткасынын бошоңдошу, денеге керектүү ток өткөрүүнү начарлатып, материалдык жактан жабыркоого, финансылык кризиске жол ачат.

Ал эми, урпактары “акча жок”, деп бечара турмушту башынан өткөрүүгө шарт түзүлөт. Ал болсо тукум куучулук касиетке ээ б.а. маалымат талаасы аркылуу бири– бирине өтүүсү мүмкүн.

Ушундай жашоо керекпи? Келиндер? Апалар, энелер силергечи?

Эми, өзүңөрдү “ күнөөлөөнү токтотуп”, сабырдуулук менен аягына чейин окуганга ниет кыл. Бул жөн кана мисал, ”түшүнүү менен кабыл алсаңар мындай көрүнүштөр, силерден алыстайт.

Эгерде “коркунуч” денеден көтөрүлүп, жүрөктө уйгу – туйгу сезим башталса. Бир азга китеп окууну токтотуп, өзүңө өзүң команда бер. Албетте, мындай маалыматты мурда укпаган адамда тынчсыздануу башталат. Силерден сураныч, бул жерде жазылгандарды өтө жүрөккө жакын кабыл албай “түшүнүү” үчүн кана окуп койгула. Ар бир нерсенин өзүнүн убакты сааты болот. Мына ошол мезгилге келгенде, мындан да башкача кабыл алып, “жашоомду кандайча жеңилдетсем болот экен?”– деп издене баштайсыңар.

–

Эми кайрадан денеге көңүл буруп өзүңө өзүң: Тынчтан! Тынчтан! Тынчтан! Мен адашууга , кемчилик кетирүүгө акылуумун! Бул менин турмуштук тажрыйбам. Мен өзүмдү өзүм кечирдим! Баардыгына ыраазымын! Тынчтан! Тынчтан! Тынчтан!. Булчуңдарым жазыл. Денем бош бол!. Бир азга эс алуу керек. Бул – энергия. “Коркунуч” – бул ой менен келген энергия.

Денени бош койгондо энергия (коркунуч) денеде токтобостон акырын сыртка чыгып кетет. Бул ар бир адам үчүн турмуштук тажрыйба! Болгону маалыматты кабыл алып өз убагында кое берүүнү үйрөнүү сөзсүз керек.

Мындан ары кандай сезим келсе ошол сезим менен өз убагында иштеп койсо ар бир адам үчүн “өзү менен өзү иштөө жеңил жана оңой боло баштайт. Ар бир адамдын “жаны” өзү түзгөн туткундан өзүн бошотууга аракет жасайт.

Демек, бул китепти окуп жаткан адамдын “жаны – боштондукту каалаган жан” ошон үчүн жашоонун “тартылуу күчү” менен тартылып ушул саптарды окуп таанышууда. Ал үчүн, өзүңө өзүң ыраазы бол. Сен изденген, өнүгүүнүн жолундагы адамсың.

Ар бир адам бул жашоого турмуштан тарбия сабак алуу үчүн келет. Жашоону үйрөнүп, өзүндө болгон нерсени эстеп, аны пайдаланып, өркүндөтүү үчүн келет. Ошон үчүн өзүңө өзүң жаңылышууга, турмуштан ар кандай тарбия алууга уруксаат бер! “Жаңылбас жаак, мүдүрүлбөс туяк болбойт” дегендей, жаңылышуу менен, өүбүзгө болгон ишенимди бекемдейбиз, жашоодон тарбия алып такшалабыз.

Эми, кайрадан жогорудагы мисалдагы апанын сезимин түшүнөлү.

АПА: баланын апасы “ кыжалатчылыктын толкунунун”, энергиясына уланды, “күмөнсүрөөсү” күчөдү, жүрөгүндө бейкутсуздук пайда болду, кыжыры келе баштады. Кан басымы жогорулады. Жаман ойлор келген сайын жүрөгү кысыла баштады. Эмчегинде сезгенүү пайда болду. Жатынын кан тамырлары кысылып, эмчектин каналдарына зырп – зырп этип сигнал берип, сүтү ачуу болуп, ууга айлана баштады. Баланын эмчек эмбөөсүнө алгачкы шарт түзүлдү. Ал деген баланын иммунитетин начарлатып, ден соолугун , айрыкча эске тутуусун начарлатты.