Mostagha voghur vu — düsur du dertaş.

Düsur du ẋan leqa ojlane berdaş

Ẋaşa-da voghur vu — jüsur ju marzo.

I marzo jelxajo ẋan lomaẋ barzo,

Ghelaşna ghertaçu kuraçu sajno,

CIe jocçu koşa tIe dällaçu stajno;

I marzo jelxoş du san hora doş a,

Ẋan dato neqhaş a, momsarijn bos a.

Noxçijçö, latta ẋo serlonan hordax,

Әzar şo dälça a jaxa ca kIordoş.

So quzaẋ vina vu, tijnallin kIorgeẋ

Ẋan sina tijzaçu qoqanan kIorni.

Pen bocçu husameẋ, txov bocçu qerçaẋ

Da vocuş qiәna so ẋan cIarax ẋerçaş

Ẋan bIavnijn xercarşlaẋ beca xal sanna,

Ẋan serlo tergaljan ma dezna san a

Ẋan stiglaẋ ärzunan moẋ sanna şijla

So a dIavovr vu cqha tijnalleẋ ijna.

Noxçijçö, latta ẋo serlonan hordax,

Әzar şo dälça a jaxa ca kIordoş.

Txo devlla dIaghur du — düsur du deşnaş,

Düsur du ẋan xaza, ẋan özda keşnaş,

Buc jolu, buc jüzu ojlane bärznaş.

Vöduçun, voghuçun doIanijn äznaş;

Ẋan xercarş jüsur ju, da vocuş velxa,

Düsur du ẋan stiglaẋ ärzunijn xelxarş,

Jüsur ju nazmanaş, zikarijn şovqhaş,

Jüsur ju txan dagalecamijn ovqharş.

Ẋo jisa, Noxçijçö, serlonan hordax,

Әzar şo dälça a jaxa ca kIordoş.

Apti Bisultanov