Половци же вземше город Рымовъ и ополонишася полона, поидоша во сво- яси. Князи же возворотишася ⁹⁷во свояси⁹⁷,[97–97 Я в домы.] бяху бо печалны съ сыном своим Володимеромъ //л. 199 об. Глебовичем, зане бяше ранен велми язвами смертными, и християнъ плѣненых от поганых. И се Богъ, казня нас за[Доб. по Я. Е нет.] грѣхи наша, наведе на ны поганыя,[Я поганых.] не аки милуя ихъ, но нас казня и обращая нас к покаянию, да быхом ся востягнули от злых своих дѣлъ. И симъ казнитъ нас нахождениемъ поганыхъ, да некако ли смирившеся воспомянемся от злаго пути.

А друзии половцы идоша по оной сторонѣ к Путивлю — Кза у силах тяжких, и повоеваша волость ихъ и села ихъ пожгоша. Пожгоша же и острогъ у Поутивли.[Я Путивля.] И возворотишася во свояси.

Игорь же Святославич в той год бяше в Половцех. И глаголаше: «Азъ по достоянию моему восприялъ побѣду от повеления твоего, Господи владыко, а не поганская дерзость обломи силу рабъ твоих. Не жаль ми есть за свою злобу прияти нужная своя, ихже азъ есмъ приялъ». Половци же аки стыдяще^II.1[Я стидящеся.] воеводства своего, не творяху ему пакости, но приставиша к нему сторожев 15 от сыновъ своих, а господичевъ 5, то от всѣх 20, на волю ему даяху: где хотяше, то ездяше ²и ястрябомъ ловяшеть, а своих слугь съ 5 и съ 6 с нимъ ѣздяшеть².[2–2 Доб. по И. Е, Я нет.] Сторожеве[Я сторожове.] же слушаху и чтяху его; и где посла[Я послаше.] ею, без пря творяху повеленное имъ. И попа же бяше привелъ к собѣ из Руси со святою службою, не вѣдяше[Я видяше.] бо Божия промысла, но творяшеся там долго быти. Но избави Господь за молитву христианску, и мужи многи печаловахуся, и проливаша слезы своя за него. Будущу бо ему в Половцехъ, тамо наидеся мужъ, родом половчин, именемъ Лаворъ. И тот приемь мысль благу и рече: «Пойду с тобою в Русь». Игор же исперва не имяше ему вѣры, но держаше мысль высоку своея юности. Мысляше бо, емше мужь,[Я далее и.] бежати в Русь. Молвяше бо: «Азъ славы дѣля не бежах тогда дружины, и нынѣ неславным путем поити не имам».

С ним бо бяше тысяцкого сынъ и конюший его, и тые[Я тии.] нудяста его[Я и.] //л.200 глаголюще: «Поиди, княже, в землю Рускую. Аще восхощет Богъ, избавит тя». И не угодися ему время таково, какого[Испр. по И. Е, Я на кого.] же искаше.

Но якоже прежде рекохомъ, возворотишася от Переяславля половци. И рекоша Игоревѣ думци его: «Мысль высоку[Я високу.] и не угодну Господеви, имѣяше же в собѣ, а ты ищеши и няти мужа и бежати с нимъ. А о семъ чему не згадаешъ, а иже приидутъ половцы з воины. А се слышахом, избити имъ князя и вас и всю русь; да не будет тобѣ славы, ни живота». Князь же Игорь приемъ в сердце совѣтъ ихъ, уполошася приезду, възыска[Я возыска.] бѣжати. Не бяше бо ему лзѣ бежати в день и в ночь, иже сторожове стережаху[Я стрежаху.] его. Но токмо время таково обрѣте въ заход солнца. И посла Игорь к Лаврови конюшого своего, река ему: «Перееди на ону сторону с конем поводным[Испр. по Я. Е подводным.]». Бяше бо совещалъ со Лавромъ бежати в Русь. В то же время половци напилися бяше кумыза,[Испр. по И. Е, Я комуждо.] и бысть при вечери. Пришел конюший, и повода князю своему Игореви,[Я Игоревѣ.] яко ждетъ Лаверъ. Сей же воставъ оужасенъ и трепетенъ, поклонися образу Божию и кресту честному, глаголя: «Господи сердцевидче, аще спасеши мя, владыко,[Я далее ти.] недостойного». И вземъ на крестъ икону, поднем же з стени, и иде вонъ. Сторожем же его играющимъ и веселящимся, а князя творяща спяща. Сей[Испр. Е сои.] же пришедъ к рѣцѣ, перебред, и всѣд на конь. И тако поидоста сквозѣ вежа. Се же сотвори Господь избавление в пяток в вечеръ. И иде И день до города Донця[Доб. по И. Е, Я нет.] и оттолѣ иде въ свой Новгород. И обрадовашася ему. Из Новгорода иде къ брату Ярославу к Чернигову, помощи прося на Посемье.[Так Я (м выносное) Посеемъ.] Ярослав же обрадовася ему и помощи ему обѣща. Игор же оттолѣ еха ко Киеву к великому князю Святославу. И рад бысть ему Святослав, тако же и Рюрик, сват его.

л. 291

Основной текст:

РНБ, F.IV.231 Е

Разночтения:

БАН, 21.3.14 (Яроцкого) Я

ГИМ, собр. Уварова, № 802 У

Если чтения списков Е, Я, У дефектны, исправления вносятся по списку Толстовскому (РНБ, 0.IV.22) Основной группы Сказания. Список обозначается — Т.

л.293 Повесть о побоищи Мамаевымъ с княземъ Димитрием Ивановичем Володимерскимъ в лѣто 6889, ^I.1от рождества Христова 1381¹.[Я текст на поле.] Хощем, братие, начати повести новыя победы, како случися брань на Дону православным христианом з безбожными агаряны, како возвысися родъ христианский, а поганых уничижи Господь и посрами ихъ суровство, яко иногда Гедеоном над мадиамы злыя и пресланым (так!) Моисеом на фараона. Подобает нам повѣдати сия величетвия Божия, како сотвори волю боящимся его, како способствовал великому князю Димитрию Ивановичу Володимерскому на безбожныя татары.

Попущением Божиимъ, навождениемъ диаволскимъ воздвижеся царь^1а[На поле По Батый был Мамай лѣтъ 41.] от вос- точныя страны, именем Мамай, еллинъ сый вѣрою, идоложрецъ, иконоборецъ, злый христианский укоритель. Выииде в сердце его подстрекатель диаволъ, како егда пакости дѣетъ, христианом потреблену быти, яко да не славится имя Господне в людех его. Господь же, елико хощет, и творит. Он же безбожный царь, нача рвением диаволим носым[Я носиме.] бывати, первому отступнику Батию и новому законопреступнику Юлиану возревновав, нача испытовати от старых еллинъ, како той безбожный Батий плѣни землю Рускую, како случися ему от нихъ. И тако сказаша ему все, како плѣни Батий Киевъ и Володимеръ и всю Русь и Словенскую землю, и великого князя Юриа[Доб. по Я, У.] Димитриевича уби, и многих[Я мнимых.] славных[Испр. по Я. Е славны. У нет.] изби князей руских православных, и святыи монастырѣ оскверни, и вселенскую церковь златоверхую разбивъ. Ослѣпленну же тому очима, и тому не разумѣ, како Господь Богъ будетъ годѣ. Тако во оный днѣ Иерусалим плѣненъ бысть //л. 293, об. Титусом Римским и Навходосором Вавилонским за их согрешение и маловѣрие. Да не до конца прогневается Господь, ни во вѣки враждует.

Слышав же безбожный царь от своих агарянъ, и нача подвижнее быти и диаволом палим непрестанно, ратуя на християны. И бѣ[Испр. по У. Е, Я бо.] в себѣ нача глаголати ко отступником своим, еупатомъ, князем, и воеводам, яко: «Не хощу азъ тако творити, како Батий, — рка; — Егда же убо дойдем Руси, убию князя[Испр. по Я. У, Е князѣ.] их, и изберу который городы красный довлѣют нам, и ⁸ту приидем и⁸[8–8 Я, У нет.] ту сядем вѣдати тихо и безмятежно поживѣм». Не вѣдый того, яко Господня рука высока есть. По малѣх же днех и по злѣх сих перевезеся рѣку Оку и великую реку[Доб. по У. Е, Я нет.] Волгу[Испр. по У. Е, Я Олгу. На поле Ока и Олга рѣки.] со всѣми силами. Иные же мнозѣ орды совокупи к себѣ и глагола имъ: «Како обогатѣем руским златом! И пойдем на Русь», ревы яко левъ, пыхая[Испр. по Я. Е дыхая.] яко неутолимая ехидна. Доиде же устия рекѣ Воронежи,[Е, Я на поле Воронежъ рѣка.] роспустив облаву свою и завѣдавъ имъ всем, улусником своим, яко «ни единъ пахий хлѣба и будѣта готовы на руския хлѣбы!».

Слышав то Олгъ князь Резанский, яко царь Мамай ночюет[У кочюет.] на Воронежи, а хощет ити на Русь, на великого князя Дмитрия Ивановича Московского. Скудость же ума бысть во главѣ его. Посла же Олег великий[Здесь и далее в Е вл] князь[Е, Я на поле Олега здраица сусѣдь.] Резанский к царю Мамаю беззаконному своего посла с великою честию и со многими дарми, ярлыкъ свой написа к нему сицевым образом: «Восточному царю волному Мамаю, твой посажникъ Олегъ Резанский много тя молит. Слышах, господине, що[Я что.] хощеши ити на Русь, на своего служебника князя Дмитрия Ивановича Московского, огрозитися ему хощеши. Нынѣ же, всесвѣтлый царю, приспѣ время тебѣ, — злата и богатства много наполнися земля Московская.//л.294 А князь Дмитрий Иванович, к(ня)зь[Здесь и далее в Е кз.] великий, человѣкъ христианин, егда услышит имя твое и ярости твоея, то, царю, отбѣжит в далняя своя страны, к(ня)зь велики Димитрий, любо в Новгород Великий, любо на Двину, а злата много и богатства московского, то в твоей руцѣ да будет все и твоему великому войску в потребу. Мене же, раба твоего, Олга Резанского, держава твоя пощадит. Аз бо велми устрашу Русь и князя вел(икого)[Я, У нет.] Димитрия Ивановича. И еще, царю, молю тя, оба есмы твои рабы, и я велику обиду прияхъ от того ж Димитрия, вел(икого) к(ня)зя. Но еще, царю, молю тя не то едино, но егда о своей обидѣ твоим именем царским погрозих ему, а онъ того не радит. И еще град Коломну за себе заграбилъ, ино и о том, царю, молю тя».