Господи Иисусе Христе, сыне Божий, запрети бесу и грозе его от лица раб святых. Шестокрылатый Михаиле архангеле, великий демоном прогонитель, Господи Иисусе Христе, возлей мир благ на раба Божия своего. Святый честный крест Господень, помощник ми буди, рабу Божию твоему в пустынях, в путях и на море, и на ратях, и на пре, и на всяком месте у кназей, и у бояр, и у всякой власти, при пути и при дороге, и при постельных часах, по всякой день и по всякой час, по всякую ночь, на ветху и на молоду, в зиме и в лете. Святые все угодившие Богу от велика помощницы будите вы мне, рабу Божию Христову, святый Георгий, святый Феодор, святый Дмитрий, святый Прокопей, святый Еупатий, святый великий чудотворец Николай, святая мученица Екатерина, помоги ты мне, рабу Божию Христову, от труса и потопа, и зверей лютых, и гада люта, и от всякого зла человека. По морю и воздуху святии все, помозите мне, рабу Божию, во всех злых приходах моих. Ныне и присно и во веки веком. Аминь. Ключ и замок молитве сей, десять печатей ангелских. Аминь.

И на опасение святых архангел Михаила и Гаврила, и святых ангел Рафаила и Нафаила, и Урила, и Рахуила, и Пануфра, и Сафаила, и Нафаила, и Отраила, и Самазаила, и Кафцыилла, и Самоила, и всех святых безплотных твоих ради сил небесных засвидетелствую ти и запрещаю им характиром и сия печати ангельские и сия молитвы, иже в сем характире написаны и начертаны. Да будет опасение дни ее или еже и запечатлехом сей характир, и сия печати ангельския, и молитвы, и словеса та свечею, и кандилом, и фимьяном во веки вечныя, в род и род. На опасение и на здравие, и на честь, и многия корысти премудрым человеком, иже которыи небеснаго Бога почитают и тому единому поклоняются духом и телом. Ключ и замок, Животворящий Твой Крест Господень, и десять святых печатей ангельских, и премудраго царя и пророка Соломона печать на помочь. Во веки веком. Аминь.

Господи, Господи, великий архистратиг Божий Михаиле, егда услышиши мя, раба Божия своего, призывающаго Тя на помощь. Слыши мя, раба своего, ускори, прилети на помощь мне, рабу Божию, победи противящихся мне силою Святаго Духа и святыя живоначальныя Троицы, Отца и Сына и Святаго Духа, молитвами святыя Богородица и Приснодевы Мария, и святых небесных сил, архангел и ангел, пророк и апостол, и мученик, и мучениц, и светителей, и преподобных отцов, и жен, и безмезников великих. Михаиле архангеле, помощник мой буди рабу Божию своему всегда, избави мя от прелести дияволя и лукавых человека. И ныне и присно и во веки веком. Аминь.

Якоже великий святый Николае избави три мужи от нага меча и от напрасныя смерти в руце мирстей, тако избави раба Божия своего (имярек) от всякаго зла, и напасти, и мечтаний дияволских, прииде на нь день и в час лютаго сна от всякия неприазни на пути и в дому, по воде плавающаго, и на пустыни ходящаго, и на всяком месте заступи мя от кровопийца диявола, и от врагов моих видимых и невидимых, от очия злых человек. Аминь.

Закрой, защити меня, Господи, Пречистая Богородица от востоку и до заподу, от юга и до севера, и камени, и каменными горами, и железною забориною. Буди на мне, рабе Божием имяреке, колпак и сермяга, кафьтан, и шапка, и рубашка крепьчая шелома и панцыря; и буди мое тело, раба Божия, крепьчая шелома и панцыря, и белого, и синего камени, и синего булата, и всякого железа ратнаго. Аминь.

Да воскреснет Бог, и разыдутця врази его, и да бежат от лица его ненавидящии его. Яко изчезает дым, да изчезнут, тако бы изчезали от меня, раба Божия имярека, светым Михаилом и Гавриилом и светою же Божиею херувимьскою и серафимьскою силою, и всеми небеснами силами, и ангели, и светым Георгием и Димитрием. Да обратятца перья во старую во матерь во пьтицу, а пьтица в небо, а клей в рыбу, а рыба в море, а железо во свою матерь в землю. Тое молитвы всегда и ныне и присно и во веки веков. Аминь, аминь, аминь.

Господи, благослови, Отче, молитвами Господа нашего Исуса Христа. Есть море железное, на том море железном есть столп железной, на том на железном столпу есть царь железной, стоит от востока и до заподу, оперьшися своим железным посохом, заказывает и заповедывает детем своим, железу и булату, и укьладу красному и синему, и стреле всякой, железу простому и каленому. Пойди ты, железо, во свою матерь в землю, а меня, раба Божия имярека, мима. Пойди ты, древо, к лесу, а перья во пьтицу, а клей вь рыбу. Аминь.

Пресвятая госпоже владычица Богородица, моли Сыну своему, Господу нашему Иисусу Христу, да избавит мя от нопрасныя смерти, от вечныя муки, буди мне помощница и заступница в нынешнем веце и в будущем, всегда помоги мне, грешному рабу своему имяреку, на рате сей. Благодарю тя, свитая Троица, за твое великие милосердие, человеколюбие, за твое терпение, аще бы не твоя, Госпоже, милость покрыла меня, грешного раба своега (имярек), тут жа бы я погиб, аки прах пред лицем ветру, бых немыслен за свое окоянство и лености. Не подобная дело, час грешил пред тобою, Господи, молив: Владыко, много терпиши и злоб и досад мне грешному и недостойнаго хотя мало другу сотворил, и я не могу терпеть досад и поношение. Аз окаян, не могу терпети немилостиви от Творец мой, много терпиши, ожидаиши обращения, ждеши ты, терпиши, Бог наш, и вся грешники призываеши на спасение. Аминь.

Много многомилостив человеколюбец, послушай мене, грешнаго и худаго, моление моего. Ты всем, Владыко, очищае грехи, аз же сам каяся тебе, многомилостивому царю и много проповедую тебе, святая Богородица, молюся тебе: Госпоже, спаси мя от всех врагов видимых и невидимых, не имею у кого помощи разве тебе. Господа моего на рате сех возму. Господи, крест на врагов моих, призри, спаси мя, грешного, Господи, на рате сие раба своего (имярек), покры мене, Господи, на воде покойне сохрони, Господи, соблюди, Господи, дай жа ми истинну в сердце моем, иже не сохранятца от всех зол, ты бо еси тишина во всю вселенную, ты свет во тме седящим. Многогрешному рабу твоему буди помощник на враги на рате си против ратного оружия всякого, невернаго плеча, татар и немец, и от литвы, и от всякого измаителскаго рабу, нечестивых рабов, которы не познаша тебя, Господи. Аминь.