189

Послание Симеону Бекбулатовичу. Конец столбца (ЦГАДА)

190

На отдельном листке опись: Прошение князь Ивана Васильевича

Московского и детей ево к великому князю Семиону Бекбулатовичю всеа

Русии о свободе людей их.

191

ПОСЛАНИЕ ПОЛУБЕНСКОМУ (1577)

Такова грамота послана от государя изо Пскова со князем Тимофеем

Романовичем Трубецким в Володимер ко князю Александру

Полубенскому

(В Володимер ко князю Александру Полубенскому. - Владимир (Владимирец)

Ливонский - ливонский город Вольмар (ныне г. Валмиера Латвийской ССР). Александр

Полубенский - предводитель польских войск в Ливонии, староста Вольмарский и

Зегевольдский (ныне Сигулда Латвийской ССР). Грамотой к нему начинается целая

серия посланий, отправленных Иваном Грозным своим противникам во время летне-

осеннего похода 1577 г. - одного из самых удачных походов в Ливонской войне. В

сохранившемся дневнике Полубенского (Донесение-дневник Полубенского, Труды X

Археологического съезда в Риге в 1896 г., т. III, М., 1900) ничего не сообщается о

получении им этой грамоты; но Полубенский рассказывает, что когда он, уже будучи

пленником, предстал перед Грозным, тот произнес перед ним речь (цитируемую в

дневнике Полубенского стр. 33), по содержанию совпадающую с комментируемым

посланием, - может быть, просто прочитал эту грамоту. Содержание «листа» царя было

передано Полубенским (после освобождения из плена) польскому королю Стефану

Баторию [ср. грамоту Батория в «Книге Посольской метрики в. кн. Литовского»

(КПМЛ), т. II (М., 1843, стр. 27 - 28)].).

Трисолнечного Божества благоволением и благостию и волею, яко же

рече избранный сосуд апостол Павел: «вемы яко ни един идол в мире и яко

никто же Бог ин, токмо един; ибо аще и суть глаголемии бози, или на

небеси или на земли, но нам един Бог Отец, из негоже вся и мы у него, и

един Господь Исус Христос, им же вся и мы тем, един Дух Свят, в нем же

всяческая и мы в нем». Сего убо трисиянного божества Отца и Сына и

Святого Духа в лицех, во едином же ипостаси исповедуема существе и

покланяема и славима и безначална, и бесконечна волею и хотением и

властию и действом творения, рек Бог «да будет свет» и бысть свет, и

прочая творения твари яже на небеси горе и яже на земли низу и в

преисподних. Таж посем созда человека, мужа и жену, сотвори их и всели

их в рай, и заповедь положи им; онема же послушавшим врага и заповедь

преступившим, и того ради прогневася на ня Бог и из рая нища изгна их и

смертию осуди их и болезньми, и труды обложи их, и Бог от лица своего

отрину их. И виде враг, яко первая его вражда приключися потребна ему и

Бог гнев возложи на человека, враг же сие видев до конца содела

человечеству, и Каину Авеля убить сотвори. Бог же, не оставляя своего

создания, милуя род человеческий, Адаму родоначальника правде спаса

воздвиже. Таже по сих Енох благоугоди Богови, сего ради и Бог прослави

его взятьем и проповедника его сохраняя второго своего пришествия. Таже

умножившимся человеком и врагу до конца соодолевшу и человеком

повинувшимъся врагом во всем и вся его злая дела восприимъшим, и Бог

192

болма раздражися на гнев, и потопом вся человеки на земли потреби,

единого Ноя праведника обрет по заповедем его ходяща, сего сохранив

родоначальника вселенней. Посем паки умножившимся челевеком и врагу

больма прелстившу их и человек на прелесть вражию усердно пришедшим

и к богоборству уклоншпася, начата созидати столп, реша бо к себе: аще

паки восхощет Бог потоп навести, тамо, вшедше на столп, з Богом брань

сотворим. И создаша столпа оного выше облак, и Бог гневом, духом уст

своих и духом бурном и нужном, столп сокруши, иныя же поби, прочих же

раздели на семьдесят и два языка. Един же Евер к сему делу и совету их не

приста, сего ради Бог помилова его: Адамова языка не отъят. От него же

евреи глаголются. Сих же раздели, да разделением друг на друга востают, и

сим преступлением мучатся. Бога егда глаголю - Отца и Сына и Святого

Духа во едином существе, яко же выше рех, и якоже и ту рече: «се

человецы язык един и уста една, елика восхотят и сотворят, нисшед

размесим я». И кому сия глаголати, аще бы не Троица? Таж посем

умножившимъся человеком и врагу поработившимся, и Богу болма на них

прогневавшуся и отступившу от них и диявол тако поработи я и во своей

воли нача водити все человечество. И оттоле начата быти мучители и

властцодеръжцы и царие, яко же первый Неврод, иже столп нача здяти, и

разделение ( Испр.; в ркп. разделением. ) языком бысть. Неврод нача

царствовати в Вавилоне, потом же Мисрем во Египте; таж во Асирии Вил

крепкорукий, иже и Крон, таж Бел и Белус и Белье и Вабал и Вельефегор и

Вельсавух и Вельсавав и Астарти, посем Ниние, таж Фор, иже и Арем, таж

повсюду многоразлична царьства раставишася, и кождо особного

царьствовати. Сице убо неблагочестне в человецех наченшуся царьству,

яко же рече Господь наш Исус Христос во евангелии: еже есть высоко в

человецех, мерзость есть пред Богом. И сице виде Бог погибающь род

человеческий и умилосердися о нем и Авраама праведника воздвиже, иже

Авраам Бога истинного позна и Бог возлюби его. И оттоль Бог преклонися

на милосердие к человечеству, и Авраама благослови и обетование дасть, и

наследника дарова ему Исака, и Исаку Иякова, иже есть Исраиль. И сице

обетова Бог Аврааму: яко отца многим языком сотворю тя, и царие из тебе

изыдут. И иже нашедше от чресл Авраама, Исакова и Иякова, и се

нарекошася людие, и прочий иже языци, якоже рече великий пророк

Моисей: «положи пределы языком, по числу ангел Божиих, и бысть часть

Господня Ияков, достояние его Иисраиль». И тако ( Испр.; в ркп. како. )

Господу Богу пасущу род исраильтеский, из Египта изведшу их рукою

крепкою и мышцею высокою, - Моисеом праведником и Исусом

Навгиным, и на землю обетованья поставившу их (в тогдашнее время

многоразличные повсюду царьствия, и иныя же Иисраилты потребиша), и

тако Богу соблюдающу род еврейский и подавающу судия и правителя, и

самому водящу их, даже и до Самоила пророка; но понеже по Адамлю

преступлению все человечество прелестию тогда покровено бысть и врагу

поработившуся, сего ради Иизраилты часто заповеди Божия преступаху,

прелыцающеся делы беззаконных язык. Богу же на них овогда гневающуся

193

и предавающу в порабощенье языком иноплеменным, овогда ж милующу и

свобождающу; егда убо отступаху от Бога и поклоняхуся идолом, тогда

предавше их, егда же взыскаху Господа, тогда свобожаше их. Сего ради и

сходя к немощи их и жертвы попусти им творити, не яко хотя от них сего,

но немощий сих попуская быти; аще и жрут, но токмо бы истинному Богу

жертву творили, а не бесом. Тако бысть и до Самоила пророка. Но

человека есть нечисть родственная, не восхотеша Иизраилтяни под

Божиим имянем быти и водими быти праведными слугами его, просиша

себе царя, и Богу вельми на них за сие прогневавшуся и дасть им царя

Саула. И много напасти претерпеша, и Бог милосердова о них и воздвиже

им праведника Давида царя и царьство распространи. Се первое

благословение царству бысть: Бог, сходя к немощи человечестей, и царство

благослови. Таж умножившимся человеком и царьством и властей и

беззаконию растущу, Бог же не презре рода человеча от диявола мучима.

Первое посла пророки провозвещающе пришествия Божия Слова, о гресе