Доўга стаяў я каля слупа. У сваёй тужлiвай адзiноце гэты слуп з шыльдай здаваўся мне як жывы, мне хацелася загаварыць хоць бы з iм. Я развiтваўся са сваёй надзеяй.

Слуп, вiдаць, нядаўна ўкапалi, бо вакол яго ляжала вялая, але яшчэ не пасохлая трава. У гэтай траве мне ўбачылася нейкая дзiкая краска - ледзь расцвiўшая. Як у той песнi: не расцвiла - i адцвiла... Я падняў краску i пайшоў.

I от мiнула шмат гадоў. А памяць усё яшчэ беражэ далёкую мiмалётную сустрэчу...

1964 г.